Category: Dagbók

31. mars 2017
Þá eru komnar smámyndir á boxin þrjú á forsíðunni. Ég á eftir að setja inn nýjar myndir, þessar eru bara til bráðabirgða. Þarf að komast á Stafnes og mynda vitann þar og fjöruna. Held áfram að setja efni inn á Námsefni og ætla að reyna að klára það í dag.

30. mars 2017
Var ekki sátt við uppsetningu síðunnar frá því í gær en þar var notast við töflu. Setti síðuna uppá nýtt og bjó til fleka sem flæða um síðuna. Þurfti að setja inn nýja skipun í css til að þetta væri hægt og það tókst. Er eiginlega að rifna af html-alsælu þessa stundina. 

Burt með turr-tuddið og inn með div-idið! Trúlega skilur enginn þennan brandara nema heimilisfólkið hér!

Áfram unnið með vefinn og meðal annars þessi síða sett upp: https://sigurlaug.is/namsgogn/natturufraedi/, settur felligluggi á eltistikuna (sticky border) undir fyrirsögninni námsgögn og litur á neðsta borða (footer) lagaður.

29. mars 2017
Þá er útlit síðunnar orðið ásættanlegt og í dag byrjaði ég að setja efni inn á síðuna, sjá https://sigurlaug.is/namsgogn/edlis-og-efnafraedi/. Ég er ekki viss um að mér líki þessi uppsetning svo ég ætla aðeins að hugsa þetta betur. Held ótrauð áfram á morgun