Category: Dagbók

2. maí 2017
Enn hoppar borðinn, búin að setja inn allar viðbætur (plugin) á tilraunasíðuna mína (http://birta.bhs.is/~1709563629/lokaverkefni/), þær sömu og ég er með á https://sigurlaug.is en það leysir ekki vandann. Ákvað að kaupa þemað sem ég nota (evolve) til að fá aðgang að hjálparsíðunni þeirra. Skrifaði þeim bréf og svar kom um hæl sem ekki leysti vandann. Skrifaði þeim afutr og vona það besta.

1. maí 2017
Vaknaði snemma og reyndi að finna út hvers vegna myndaborðinn hjá mér hoppar svona eins og hann gerir. Bar saman allar stillingar á sigurlaug.is og birta.bhs~1709563629 en sá engan mismun. Skoðaði “inspect” á báðum síðum og sá engan mun. Hallast helst að því að einhver viðbót á sigurlaug.is hafi þetta í för með sér. Hef bara eina mynd í myndaborðanum til að stöðva þetta hopp. Er eiginlega ráðalaus eins og er. Legg málið í salt í nokkra daga og sé hvort eitthvað ráð rekur á fjörur mínar. Aldrei að vita.

30. apríl 2017
Það nálgast miðnætti og nú tel ég mig vera búna að laga allt sem ég ætlaði að laga og þar með er síðan formlega komin í netheima. Endaði á að gera síðu með lokaverkefninu í fræðilega hlutanum, þetta er nokkurs konar “manifesto” fyrir þessa síðu. Þar með eru ritverkin orðin átta og nýti ég þá allar smámyndirnar á síðunni eins og ég ætlaði mér. Heildarfjöldi síða er þar með orðinn 72.

Póstaði síðunni á Facebook í dag, svona til að gera það raunverulegra fyrir mér að síðan væri tilbúin.  Birti að gamni með borða sem ég bjó til en notaði ekki. Best að leyfa þessum borða að marka formleg lok verksins: Vefurinn sigurlaug.is er tilbúinn!